banner58

Dkt Slaa afunguka kuhusu sakata la sh. 1.5 trilioni

Dkt Slaa ni balozi wa Tanzania nchini Sweden

banner57

Dkt Slaa afunguka kuhusu sakata la sh. 1.5 trilioni

Dkt Slaa ni balozi wa Tanzania nchini Sweden

14 May 2018 Monday 13:18
Dkt Slaa afunguka kuhusu sakata la sh. 1.5 trilioni

Katibu Mkuu wa zamani wa Chama cha Demokrasia na Maendeleo (Chadema), ambacho ndiyo chama kikuu cha upinzani nchini, Dkt. Wilbroad Slaa ambaye sasa ni Balozi wa Tanzania nchini Sweden amesema kuwa mjadala wa kuonekana au kutoonekana kwa sh 1.5 trilioni lililoibuka baada ya kuwasilishwa kwa Ripoti ya Mdhibiti na Mkaguzi Mkuu wa Hesabu za Serikali (CAG) limetokana na udhaifu wa mfumo uliopo wa upitishaji wa bajeti.

Ameeleza kuwa hali hiyo inatokana na mfumo wa Bunge ambao unaruhusu wabunge kupitisha bajeti ambayo fedha zake hazipo tayari.

Dkt. Slaa amefafanua kuwa wabunge wamekuwa wakipitisha bajeti kabla ya fungu halisi kupatikana, ikiwa ni nadharia inayosubiri fungu hilo kupatikana kupitia kwa wafadhili au michakato mingine ya ukusanyaji.

“Kama fedha nyingi zinatumika bila kupitishwa na Bunge kwa sababu ndiyo mfumo wetu, unawezaje kuhoji fedha hizo zilitumikaje?” Dkt. Slaa anakaririwa na Mwananchi waliofanya naye mahojiano maalum.

Aliongeza kuwa kwa kawaida, huwezi kupata takwimu halisi za miradi mikubwa ya Serikali ndani ya kipindi cha mwaka wa fedha husika kwani miradi hiyo huwa katika hatua za utekelezaji.

Balozi Slaa ambaye aliwahi kuwa mbunge wa Karatu kwa tiketi ya Chadema alisema kuwa kinachofanyika hivi sasa bungeni, wabunge wengi hawajadili hoja na badala yake wamekuwa watu wa kufanya ushabiki na kuhitimisha hoja tu.

Alisema kuwa wakati alipokuwa bungeni, alikuwa anafanya utafiti wa kutosha kuhusu masuala ya ufisadi na kuhakikisha anapata nyaraka zote husika kabla ya kuliwasilisha.

“Ndio maana unaona wakati huo niliweza kuwachachafya Mawaziri kwakuwa nilikuwa sikurupuki,” alisema.

Sakata la sh 1.5 trilioni liliibuliwa na Mbunge wa Kigoma Mjini, Zitto Kabwe na baadaye kujibiwa na Serikali pamoja na Chama Cha Mapinduzi.

Mwananchi

Comments
Avatar
Your Name
Post a Comment
Characters Left:
Your comment has been forwarded to the administrator for approval.×
<strong>Warning!</strong> Will constitute a criminal offense, illegal, threatening, offensive, insulting and swearing, derogatory, defamatory, vulgar, pornographic, indecent, personality rights, damaging or similar nature in the nature of all kinds of financial content, legal, criminal and administrative responsibility for the content of the sender member / members are belong.
Avatar
kev 2018-05-14 13:52:30

duu kwel miaka yote huwa inapitishwaje