banner68
banner58

Majambazi walipua na kupora benki tano

Jeshi la Polisi nchini Nigeria limeanza uchunguzi

banner57

Majambazi walipua na kupora benki tano

Jeshi la Polisi nchini Nigeria limeanza uchunguzi

07 April 2018 Saturday 13:27
Majambazi walipua na kupora benki tano

Majambazi wamelipua lango la benki tano na kupora katika benki hizo, katikati ya mji wa Offa nchini Nigeria katika tukio la ujambazi lililodumu kwa takribani saa moja na kusababisha vifo vya polisi sita pamoja na raia sita.

Msemaji wa jeshi la polisi jimbo la Kwara, Ajayi Okasanmi ameviambia vyombo vya habari kuwa jeshi hilo limeanza uchunguzi na linawahoji mameneja wa mabenki husika, pamoja na mambo mengine kufahamu ni kiasi gani cha fedha zilizoporwa na majambazi hao.

Majambazi hao waliokuwa na silaha nzito walianza kwa kushambulia kituo cha polisi cha Owode ambapo waliwaua askari na baadaye kuvamia mabenki hayo yaliyoko katikati ya eneo la soko.

Jeshi la polisi lilifanikiwa kuyapata magari yaliporwa na majambazi hao wakati wa tukio hilo, kwa mujibu wa Okasanmi.

Alieleza kuwa polisi walishindwa kuwadhibiti majambazi hao kwakuwa walikuwa wakifyatua risasi kimkakati katika eneo ambalo lina watu wengi, hivyo ilikuwa hatari kufanya majibishano.

Jeshi la Polisi limeahidi kufanya msako mkali kuwabaini na kuwakamata waliohusika na tukio hili.

Daily Post

Updated: 07.04.2018 16:17
Keywords:
Nigeria
Comments
Avatar
Your Name
Post a Comment
Characters Left:
Your comment has been forwarded to the administrator for approval.×
<strong>Warning!</strong> Will constitute a criminal offense, illegal, threatening, offensive, insulting and swearing, derogatory, defamatory, vulgar, pornographic, indecent, personality rights, damaging or similar nature in the nature of all kinds of financial content, legal, criminal and administrative responsibility for the content of the sender member / members are belong.