Simba wakwea pipa Afrika Kusini, Simba Queens Ujerumani

Simba wakwea pipa Afrika Kusini, Simba Queens Ujerumani

15 July 2019 Monday 14:20
Simba wakwea pipa Afrika Kusini, Simba Queens Ujerumani

Na mwandishi wetu, Dar es Salaam
KIKOSI cha Simba SC kimeondoka leo jijini Dar es Salaam kwenda Afrika Kusini kuweka kambi ya kujiandaa na msimu mpya  2019/2010. Pia alfajili ya leo Simba Queens nao wamesafiri kwenda nchini Ujerumani.

Mabingwa hao wa Tazania Bara wanaondoka baada ya kukamilisha usajili wa kikosi chake.

Wachezaji wote walikusanyika katika hoteli ya Sea Scape, eneo la Kunduchi mjini Dar es Salaam kwa maandalizi ya safari.

Na jana asubuhi ilifanyika Semina ya ndani ya wachezaji na benchi la ufundi kuhusu historia ya Simba, kanuni, maadili, desturi, nidhamu na malengo ya timu kwa msimu wa 2019/2020 katika hoteli ya Sea Scape.

Yote hayo yalitanguliwa na kikao cha bodi ya Wakurugenzi Jumamosi kilichoongozwa na Mwenyekiti wa Bodi, Mohamed ‘Mo’ Dewji na kuhudhuriwa pia na Mwenyekiti wa klabu, Swedi Nkwabi wawili.

Kuelekea msimu ujao, tayari Simba SC imesajili wachezaji 11 wapya hadi sasa, ambao ni kipa Beno David Kakolanya, baki Gardiel Michael Mbaga na kiungo Ibrahim Ajibu Migomba wote kutoka Yanga SC, ambao kwa pamoja na beki wa kati, Kennedy Wilson Juma kutoka Singida United na Miraj Athuma I ‘Madenge’ kutoka Lipuli wanafanya idadi ya wachezaji watano wazawa wapya Msimbazi hadi sasa.

Wengine sita wote ni wa kigeni, Wabrazil mabeki beki Gerson Fraga Vieira ATK ya Ligi Kuu ya India na Tairone Santos da Silva kutoka klabu ya Atletico Cearense FC, mshambuliaji, Wilker Henrique da Silva kutoka Bragantino, zote za Daraja la Nne nchini Brazil na viungo Mkenya, Francis Kahata Nyambura, Msudan Sharaf Eldin Shiboub Ali Abdalrahman na winga Deo Kanda kutoka TP Mazembe ya kwao, Jamhuri ya Kidemokrasia ya Kongo (DRC).

Pamoja na kusaini wachezaji wapya, Simba SC pia imewapa mikataba mipya wachezaji wake kadhaa wa msimu uliopita, wakiwemo kipa Aishi Manula, mabeki Erasto Nyoni, Shomari Kapombe, Nahodha Msaidizi, Mohammed Hussein ‘Tshabalala, Muivory Coast, Serge Wawa Pascal viungo Jonas Mkude, Mzambia Clatous Chama na washambuliaji Nahodha Mkuu, John Bocco na Meddie Kagere raia wa Rwanda.

Wakati huo huo: Mapema Alfajiri kikosi cha timu ya wanawake, Simba Queens kimesafiri kwenda nchini Ujerumani kwa ziara ya kisoka ya wiki mbili, chini ya mkuu wa msafara, Asha Baraka ambaye ni Mjumbe wa Bodi ya Wakurugenzi.

Wakiwa nchini humo, wachezaji wa Simba Queens watapata nafasi ya kushiriki semina mbalimbali za kijamii ambazo zina lengo la kuwapa mbinu mbadala za kazi ambazo wanaweza kufanya nje ya maisha ya soka.

Updated: 15.07.2019 14:29
Comments
Avatar
Your Name
Post a Comment
Characters Left:
Your comment has been forwarded to the administrator for approval.×
<strong>Warning!</strong> Will constitute a criminal offense, illegal, threatening, offensive, insulting and swearing, derogatory, defamatory, vulgar, pornographic, indecent, personality rights, damaging or similar nature in the nature of all kinds of financial content, legal, criminal and administrative responsibility for the content of the sender member / members are belong.