banner68
banner58

Mbowe, Lowassa wala kiapo Monduli

banner57

Mbowe, Lowassa wala kiapo Monduli

14 September 2018 Friday 12:13
Mbowe, Lowassa wala kiapo Monduli

FREEMAN Mbowe, Mwenyekiti wa Chadema Taifa na Edward Lowassa, Waziri Mkuu Mstaafu na Mjumbe wa Kamati Kuu ya chama hicho wameapa hadharani kumkabili Rais John Magufuli.

Viongozi hao wa Chadema wameeleza kuchoka kuvumilia kile walichokiita uvunjifu wa haki na Uhuru na sasa wamepanga ‘kulianzisha’ baada ya uchaguzi huu mdogo.

Wamesema kuwa, pamoja na Katiba ya Tanzania kuelezea Uhuru na haki kama mambo ya msingi kwa Watanzania bado vimekuwa vikiminywa na utawala wa sasa wa Rais John Magufuli.

Viongozi hao wametoa kauli hiyo tarehe 13 Septemba mwaka huu mbele ya wakazi wa Monduli wakati wa kumnadi Yonas Leizer anayegombea ubunge kupitia wa Jimbo la Monduli Chadema.

Kwenye mkutano huo Lowassa amesema, hali ilivyo si ya kuvumilika na kwamba anatamani angekuwa na nafasi ya kugombea ubunge ili akasimamie Uhuru na haki bungeni.

Lowassa amesema kwamba, yanayotokea kwa sasa yanaweza kudhibitiwa kwa kupatikana Katiba Mpya.

“Katiba Mpya inatakiwa ili kumtoa adhabu kwa kila atakayekwenda kinyume ikiwa ni pamoja na kuzuia mikutano ya hadhara, bunge, kuzuia wapinzani kushika madarana,” amesema.

Mbowe amesema kuwa pamoja na Rais kuapa kwa kutumia kitabu cha imani yake lakini huapa kuilinda Katiba ya nchi.

“Tunapaswa kujua kwamba hakuna aliye juu ya sheria si kwa rais wala mtawaliwa,” amesema Mbowe.

Amesema kuwa, baada ya uchaguzi huu mdogo wamepanga kuanza kusaka Uhuru na haki kwa Watanzania wote na watasimamia hilo.

Katika mkutano huo Mbowe ameeleza kushangazwa na CCM kutumia viongozi wa serikali wakiwa na magari ya serikali jambo ambalo ni kinyume na sheria.

Comments
Avatar
Your Name
Post a Comment
Characters Left:
Your comment has been forwarded to the administrator for approval.×
<strong>Warning!</strong> Will constitute a criminal offense, illegal, threatening, offensive, insulting and swearing, derogatory, defamatory, vulgar, pornographic, indecent, personality rights, damaging or similar nature in the nature of all kinds of financial content, legal, criminal and administrative responsibility for the content of the sender member / members are belong.